Breaking News

മനുഷ്യന്‍ കാണേണ്ട സിനിമ’,’ ആരും ആറാടുന്നില്ല, ജീവിക്കുകയാണ്’; പ്രശംസിച്ച്‌ എം എം മണി

 ‘സൗദി വെള്ളക്ക’യെ പ്രശംസിച്ച്‌ മുന്‍ മന്ത്രി എം എം മണി. മനുഷ്യന്‍ കാണേണ്ട സിനിമയാണിത് എന്നാണ് അദ്ദേഹം പറയുന്നത്.ഫേസ്ബുക്കിലൂടെയാണ് എം എം മണി സിനിമയെ പ്രശംസിച്ചെത്തിയത്. ‘ഈ ചിത്രത്തില്‍ ആരും ആറാടുന്നില്ല. ജീവിക്കുകയാണ്. മനുഷ്യന്‍ കാണേണ്ട സിനിമ’, എം എം മണി കുറിച്ചു.

നേരത്തെ ശബരീനാഥന്‍ എംഎല്‍എയും ചിത്രത്തെ പ്രശംസിച്ചെത്തിയിരുന്നു. ഈ വര്‍ഷത്തെ ഏറ്റവും മികച്ച ചിത്രമാണ് ‘സൗദി വെള്ളക്ക’ എന്നും ഇന്ത്യയുടെ ഓസ്കാര്‍ അവാര്‍ഡുകള്‍ക്കുള്ള പരിഗണന പട്ടികയില്‍ ഈ കൊച്ചു ചിത്രമുണ്ടാകും എന്നാണ് തന്റെ പ്രതീക്ഷയെന്നും ശബരീനാഥന്‍ പറഞ്ഞു.

സിനിമയ്ക്ക് മികച്ച പ്രതികരണമാണ് എല്ലാ കോണുകളില്‍ നിന്നും ലഭിക്കുന്നത്. സോഷ്യല്‍ ഡ്രാമ വിഭാഗത്തിലുള്ള ചിത്രമാണ് സൗദി വെള്ളക്ക. ലുക്മാന്‍, ബിനു പപ്പു, സിദ്ധാര്‍ഥ് ശിവ, സുജിത്ത് ശങ്കര്‍, ഗോകുലന്‍, റിയ സെയ്‌റ, ധന്യ, അനന്യ എന്നിവരും ചിത്രത്തിലുണ്ട്. ഉര്‍വശി തിയേറ്റേഴ്‌സിന്റെ ബാനറില്‍ സന്ദീപ് സേനനാണ് ചിത്രം നിര്‍മിച്ചിരിക്കുന്നത്.

ദേശീയ പുരസ്‌കാരം നേടിയ ‘തൊണ്ടിമുതലും ദൃക്‌സാക്ഷിയും’, ബിജു മേനോന്‍ നായകനായ ‘സത്യം പറഞ്ഞാ വിശ്വസിക്കുവോ’ തുടങ്ങിയ സിനിമകള്‍ക്ക് ശേഷം സന്ദീപ് സേനന്‍ നിര്‍മ്മിക്കുന്ന ചിത്രമാണ് സൗദി വെള്ളക്ക. ഹരീന്ദ്രനാണ് ചിത്രത്തിന്റെ സഹ നിര്‍മാതാവ്. ചിത്രത്തിന്റെ ഛായാഗ്രാഹണം ശരണ്‍ വേലായുധനും ചിത്രസംയോജനം നിഷാദ് യൂസഫുമാണ് നിര്‍വ്വഹിച്ചിരിക്കുന്നത്. അന്‍വര്‍ അലിയുടെയും ജോപോളിന്റെയും വരികള്‍ക്ക് പാലി ഫ്രാന്‍സിസ് ഈണം പകരുന്നു.

Click to comment

Leave a Reply

Your email address will not be published. Required fields are marked *

Keralavisiontv.com is a 24X7 news, entertainment website under KCBL.

Copyright © 2022 KCBL. Developed by Team Aloha

To Top