തൊടുപുഴ: സിപിഐ നേതാവ് ആനി രാജയ്ക്കെതിരെയും സിപിഎം നേതാവ് എംഎം മണിയുടെ വിവാദ പരാമര്ശം. കെകെ രമ വിഷയത്തില് മണിക്കെതിരെ നേരത്തെ ആനി രാജ രംഗത്തുവന്നിരുന്നു.ഇതിനോടു പ്രതികരിച്ചുകൊണ്ടാണ് മണി വിവാദ പരാമര്ശം നടത്തിയത്. ”അവര് ഡല്ഹിയില് അല്ലേ ഒണ്ടാക്കല്’ എന്നായിരുന്നു മണി മാധ്യമങ്ങളോടു പറഞ്ഞതെന്നാണ് റിപ്പോർട്ട്. എന്നാൽ അതേസമയം അവർ ഡൽഹിയിൽ അല്ലേ ഒണ്ടാകുക എന്നാണ് മണി പറഞ്ഞതെന്നാണ് ഒരു വിഭാഗം പറയുന്നത്.
ആനി രാജ തനിക്കെതിരെ നടത്തിയ വിമര്ശനങ്ങളൊന്നും കാര്യമാക്കുന്നില്ലെന്ന് എംഎം മണി പറഞ്ഞു. അവര് കേരളത്തില് അല്ലല്ലോ, ഡല്ഹിയില് അല്ലേ ഒണ്ടാകുക. കേരളത്തില് നടക്കുന്ന കാര്യമൊന്നും അവര്ക്ക് അറിയേണ്ടല്ലോ എന്നും മണി പറഞ്ഞു.
കെകെ രമയ്ക്കെതിരെ സമയം കിട്ടിയാന് ഇതിലും ഭംഗിയായി പറഞ്ഞേനെയെന്നും മണി പ്രതികരിച്ചു. ഇതൊന്നും വണ് വേ അല്ല. വിമര്ശനങ്ങള് കേള്ക്കാന് പറ്റിയില്ലെങ്കില് രമ എന്തിനാണ് എംഎല്എ പണിക്കു വന്നതെന്നും മണി ചോദിച്ചു.