ഭുവനേശ്വര്: ഇന്ത്യന് സൂപ്പര് ലീഗില് കേരള ബ്ലാസ്റ്റേഴ്സിന് വീണ്ടും തോല്വി. ഒഡിഷ എഫ്.സിയാണ് ബ്ലാസ്റ്റേഴ്സിനെ കീഴടക്കിയത്. ഒന്നിനെതിരേ രണ്ട് ഗോളുകള്ക്കാണ് ഒഡിഷയുടെ വിജയം. ഒരു ഗോളിന് മുന്നില് നിന്ന ശേഷം രണ്ട് ഗോള് വഴങ്ങിയാണ് ബ്ലാസ്റ്റേഴ്സ് തോല്വി ഏറ്റുവാങ്ങിയത്.
ഒഡിഷയ്ക്ക് വേണ്ടി ജെറി, പെഡ്രോ മാര്ട്ടിന് എന്നിവര് ലക്ഷ്യം കണ്ടപ്പോള് ഹര്മന്ജോത് ഖാബ്ര ബ്ലാസ്റ്റേഴ്സിനായി വലകുലുക്കി. ഈ വിജയത്തോടെ ഒഡിഷ പോയന്റ് പട്ടികയില് മൂന്നാം സ്ഥാനത്തെത്തി. ബ്ലാസ്റ്റേഴ്സ് ഒന്പതാം സ്ഥാനത്താണ്. കഴിഞ്ഞ മത്സരത്തില് ടീം മോഹന് ബഗാനോടും തോറ്റിരുന്നു.