തൃശ്ശൂർ:ഒരു ലക്ഷത്തിലധികം ബേബി കിറ്റുകൾ സർക്കാർ ആശുപത്രികളിലെ നവജാത ശിശുക്കൾക്ക് ആദ്യ സമ്മാനമായി നൽകുന്ന കേരളവിഷൻ എന്റെ കൺമണിക്ക് ഫസ്റ്റ് ഗിഫ്റ്റ് പദ്ധതിയുടെ ഭാഗമായി തൃശ്ശൂർ കെയർ ഹോസ്പിറ്റലും വന്ധ്യത ചികിത്സാ രംഗത്ത് 50ൽ പരം വർഷങ്ങളുടെ സേവന പരിചയമുള്ള കെയർ സെന്ററും തൃശ്ശൂർ ജില്ലകളിലെ മുഴുവൻ സർക്കാർ ആശുപത്രികളിലും ഓരോ മാസങ്ങളിലായി ബേബി കിറ്റുകൾ വിതരണം ചെയ്യുന്നു. ഇതിന്റെ ഭാഗമായി ഇന്ന് തൃശ്ശൂർ ജനറൽ ഹോസ്പിറ്റലിലെ 20 നവജാത ശിശുക്കൾക്ക് ബേബി കിറ്റുകൾ നൽകി. ഡിഎംഒ ഡോ. ടി.പി ശ്രീദേവി അമ്മമാർക്ക് കിറ്റുകൾ കൈമാറി.
കെയർ സെന്റർ അഡ്മിനിസ്ട്രേറ്റർ ഹെഡ് വേണുഗോപാൽ, ഡെപ്യൂട്ടി ഡിഎംഒ ഡോ. അനൂപ്, സൂപ്രണ്ട് താജ് പോൾ പനയ്ക്കൽ എന്നിവർ പങ്കെടുത്തു.
