തൃശൂർ: കൊവിഡ് പ്രതിസന്ധികളോട് പൊരുതി വിജയിച്ച സംരംഭകർക്ക് കേരളവിഷൻ്റെ ആദരം. കേരളവിഷന്‍ സക്സസ് ലെെന്‍ ബിസിനസ് എന്‍റര്‍പ്രണേഴ്സ് 2022 അവാർഡ് പി.എം.പി സ്ഥാപകനും പ്രസിഡൻ്റുമായ റോയ് കെ ദേവസ്സിക്ക് സമ്മാനിച്ചു. തൃശൂരിൽ നടന്ന ചടങ്ങ് റവന്യൂ മന്ത്രി കെ രാജൻ ഉദ്ഘാടനം ചെയ്തു.
ലോകത്തെയാകെ പിടിച്ചുലച്ച കൊവിഡ് പ്രതിസന്ധിയിൽ തളരാതെ മുന്നേറി വിജയം നേടിയ സംരംഭക മികവിനാണ്, പി.എം.പി സ്ഥാപകനും പ്രസിഡൻ്റുമായ റോയ് കെ ദേവസ്സിക്ക് കേരള വിഷൻ്റെ ആദരം.
തൃശ്ശൂര്‍ തിരുവമ്പാടി കണ്‍വെന്‍ഷന്‍ സെന്‍ററില്‍ നടന്ന ചടങ്ങിൽ റവന്യൂ മന്ത്രി കെ.രാജൻ കേരളാവിഷന്‍ ”സക്സസ് ലെെന്‍ ബിസിനസ് എന്‍റര്‍പ്രണേഴ്സ് 2022” പുരസ്കാരം റോയ് കെ ദേവസ്സിക്ക് സമ്മാനിച്ചു.
ചലച്ചിത്ര താരം ദേവൻ, എംഎൽഎ പി.ബാലചന്ദ്രൻ എന്നിവർ പ്രശംസാ ഫലകം സമ്മാനിച്ചു. കേരളത്തിലെ കാർഷിക സംസ്ക്കാരത്തിന്റെ വേരുകളിൽ അടിയുറച്ച വിശ്വാസത്തോടെ മികച്ച പ്രവർത്തനത്തിലൂടെ മുന്നേറുന്ന സഹകരണ പ്രസ്ഥാനമാണ് പി.എം.പി.
കെ.സി.ബി.എല്‍ മാനേജിംങ് ഡയറക്ടര്‍ രാജ്മോഹന്‍ മാമ്പ്ര സ്വാഗതം പറഞ്ഞ ചടങ്ങില്‍ കേരളാവിഷന്‍ ചാനല്‍ ചെയര്‍മാന്‍ പ്രവീണ്‍ മോഹന്‍,സി.ഒ.എ സംസ്ഥാന പ്രസിഡന്‍റ് അബൂബക്കര്‍ സിദ്ധീഖ്, സി.ഒ.എ സംസ്ഥാന ജനറല്‍ സെക്രട്ടറി കെ.വി രാജന്‍, കേരളാവിഷന്‍ ബ്രോഡ് ബാന്‍റ് ചെയര്‍മാന്‍ കെ.ഗോവിന്ദന്‍,സിഡ്കൊ പ്രസിഡന്‍റ് കെ.വിജയകൃഷ്ണന്‍,കേരളവിഷന്‍ ഡിജിറ്റല്‍ ടിവി എം.ഡി സുരേഷ് കുമാര്‍ ,സി.ഒ.എ സ്റ്റേറ്റ് എക്സിക്യൂട്ടീവ് അംഗങ്ങള്‍,കെസി.സി.എല്‍,കെ.സി.ബി.എല്‍ ഡയറക്ടേഴ്സ് എന്നിവരും ചടങ്ങില്‍ പങ്കെടുത്തു.
