കൊച്ചി: കൊച്ചിയിലെ ബ്യൂട്ടിപാര്ലര് വെടിവയ്പ്പ് കേസില് പിടിയിലായ അധോലോക കുറ്റവാളി രവി പൂജാരി കുറ്റം സമ്മതിച്ചു. ലീന മരിയ പോളിനെ പണം ആവശ്യപ്പെട്ട്ഭീഷണിപ്പെടുത്തിയതായി രവി പൂജാരി സമ്മതിച്ചു. എന്നാല് വെടിവെപ്പ് നടത്താന് ആളെ ഏര്പ്പാട് ചെയ്തത് താനല്ലെന്നാണ് രവി പൂജാരിയുടെ മൊഴി. ക്വട്ടേഷന് നല്കിയത് പെരുമ്പാവൂർ, കാസര്ഗോഡ് സംഘമെന്നും മൊഴിയിലുണ്ട്.
കേസില് കൂടുതല് പേര് ഉള്പ്പെട്ടതായി അന്വേഷണ സംഘത്തിന് വിവരം ലഭിച്ചിട്ടുണ്ട്. വരുംദിവസങ്ങളില് കൂടുതല് അറസ്റ്റ് ഉണ്ടാകുമെന്നാണ് റിപ്പോര്ട്ടുകള്. ബെംഗളൂര് പരപ്പന അഗ്രഹാര ജയിലില് നിന്ന് ഇന്നലെ രാത്രിയാണ് രവി പൂജാരിയെ കൊച്ചിയിലെത്തിച്ചത്.