കരിപ്പൂർ: കരിപ്പുരില് വിമാനമിറങ്ങിയ യുവാവിനെ ഗുണ്ടാ സംഘം തട്ടിക്കൊണ്ടുപോയി. കോഴിക്കോട് കുറ്റ്യാടി സ്വദേശിയായ യാത്രക്കാരനെയാണ് കൊണ്ടോട്ടിയില് വച്ച് ഒരു സംഘമാളുകള് തട്ടികൊണ്ടുപോയത്. മുക്കം സ്വദേശിയായ ടാക്സി ഡ്രൈവർ അഷറഫ് ആണ് സംഭവം പൊലീസിൽ അറിയിച്ചത്.
തട്ടിക്കൊണ്ടു പോകലിനു പിന്നില് സ്വര്ണക്കടത്ത് സംഘമാണെന്നാണ് സൂചന. അബുദാബിയിൽ നിന്നുമാണ് ഇയാൾ കരിപ്പൂരിൽ എത്തിയത്.
എയര്പോര്ട്ടില് നിന്നും വീട്ടിലേക്കുള്ള യാത്രാ മധ്യേയാണ് സംഭവം നടന്നത്. കൊണ്ടോട്ടി പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു