ആലുവ: അതിഥി തൊഴിലാളികളുമായുള്ള ആദ്യ ട്രെയിന് യാത്ര തിരിച്ചു. ഒഡീഷയിലെ ഭുവനേശ്വറിലേക്കാണ് തൊഴിലാളികളുടെ ആദ്യ സംഘം മടങ്ങുന്നത്. വെള്ളിയാഴ്ച രാത്രി പത്ത് മണിയോടെ ആലുവയില്നിന്നും ട്രെയിന് പുറപ്പെട്ടു.
ക്യാമ്പുകളില് രജിസ്ട്രേഷന് നടത്തി കെഎസ്ആര്ടിസി ബസില് സ്റ്റേഷനിലെത്തിച്ച് പരിശോധനകള്ക്ക് ശേഷമാണ് തൊഴിലാളികളെ ട്രെയിനില് കയറ്റിയത്. സ്ത്രീകളും കുട്ടികളും ഉള്പ്പെടെ 1152 പേരാണ് ട്രെയിനിലുള്ളത്. കോവിഡ് മാനദണ്ഡങ്ങള് പാലിച്ചാണ് യാത്ര. ടിക്കറ്റ് ചാര്ജ് മാത്രമാണ് തൊഴിലാളികളില്നിന്ന് ഈടാക്കിയത്. ട്രെയിനില് ഇവര്ക്കുള്ള ഭക്ഷണം ഒരുക്കിയിട്ടുണ്ട്.
ഏഴുമണിയോടെ ട്രെയിന് പുറപ്പെടുമെന്നായിരുന്നു ആദ്യ അറിയിപ്പ്. എന്നാല് അതിഥി തൊഴിലാളികളെ ബസുകളിലായി ആലുവയിലേക്ക് എത്തിച്ചു കൊണ്ടിരിക്കുന്നതിലാണ് യാത്ര വൈകിയത്.