ഭോപ്പാല്‍: മധ്യപ്രദേശില്‍ മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ കമല്‍നാഥിന്റെ വാര്‍ത്താ സമ്മേളനത്തില്‍ പങ്കെടുത്ത മാധ്യമപ്രവര്‍ത്തകനെതിരെ പോലീസ് കേസെടുത്തു.
കോവിഡ് ബാധിതയായ മകള്‍ മടങ്ങിയെത്തിയത് മറച്ചുവച്ച്‌ മാധ്യമപ്രവര്‍ത്തകന്‍ പത്രസമ്മേളനത്തില്‍ പങ്കെടുക്കുകയായിരുന്നു. സംഭവം പുറത്തറിഞ്ഞതിനെ തുടര്‍ന്ന് കമല്‍നാഥും മാധ്യമപ്രവര്‍ത്തകരും അടക്കം ഇരുന്നൂറിലധികം പേര്‍ ഇപ്പോള്‍ നിരീക്ഷണത്തിലാണ്.
