തിരുവനന്തപുരം: കൊവിഡ് 19 സംബന്ധിച്ച വിശദാംശങ്ങള് ജനങ്ങളിലെത്തിക്കാന് മൊബൈല് ആപ്പുമായി സര്ക്കാര്. GoK Direct എന്ന് പേരിട്ടിരിക്കുന്ന ആപ്ലിക്കേഷന് മുഖ്യമന്ത്രി പിണറായി വിജയനാണ് പുറത്തിറക്കിയത്.
കോവിഡ്19 സംബന്ധിച്ച് ജനങ്ങള്ക്ക് വേണ്ട ശരിയായതും ആധികാരികമായതുമായ വിവരങ്ങളുടെ ഉറവിടമായി ഈ ആപ്ലിക്കേഷന് ഉപയോഗിക്കാം. നിരീക്ഷണത്തില് കഴിയുന്നവര്, യാത്ര ചെയ്യുന്നവര്, വിദേശ രാജ്യങ്ങളില് നിന്നും എത്തുന്നവര്, പൊതുജനങ്ങള് എന്നിങ്ങനെ വ്യത്യസ്ത വിഭാഗങ്ങളില് ഉള്ളവര്ക്ക് GoK Direct ലൂടെ വിവരങ്ങള് ലഭ്യമാകും.
ഐഫോണിലും, ആന്ഡ്രോയിഡ് ഫോണുകളിലും ആപ്പ് ഉപയോഗിക്കാനാവും. ഇന്റര്നെറ്റ് ഇല്ലാത്ത ഫോണുകളിലും ടെക്സ്റ്റ് മെസേജ് സംവിധാനത്തിലൂടെ വിവരങ്ങള് ലഭ്യമാക്കുന്ന മിസ്ഡ് കോള് സംവിധാനവും ഒരുക്കിയിട്ടുണ്ട്.
കേരളത്തിൽ ഏറ്റവും കൂടുതൽ വായിക്കപ്പെടുന്ന വാട്സ്ആപ്പ് വാർത്തകൾ ഇനി നിങ്ങൾക്കും. താഴെ കാണുന്ന ലിങ്കിൽ ക്ലിക്ക് ചെയ്ത് ഗ്രൂപ്പിൽ ചേരാം:
https://chat.whatsapp.com/GuudxtLhAiIG4uoIVbclOR