ഇസ്‌ലാമബാദ്: പാക്കിസ്ഥാനിലും കൊറോണ വൈറസ് ബാധ സ്ഥിരീകരിച്ചു. രണ്ടു പേര്‍ക്കാണ് വൈറസ് ബാധ സ്ഥിരീകരിച്ചത്. പാക് ആരോഗ്യ മന്ത്രി ഡോ. സഫര്‍ മിര്‍സയാണ് ഇതു സംബന്ധിച്ച വിവരം മാധ്യമങ്ങളെ അറിയിച്ചത്.
ഇറാനില്‍ പോയി തിരികയെത്തിയ ആള്‍ക്കാണ് രോഗബാധ സ്ഥിരീകരിച്ചതെന്നും അദ്ദേഹത്തെ ഐസൊലേഷന്‍ വാര്‍ഡില്‍ പ്രവേശിപ്പിച്ചെന്നുമാണ് വിവരം. വൈറസ് ബാധിച്ചയാളുടെ കുടുംബവും നിരീക്ഷണത്തിലാണെന്ന് സഫര്‍ മിര്‍സ കൂട്ടിച്ചേര്‍ത്തു.അതേസമയം, ആരും ആശങ്കപ്പെടേണ്ടതില്ലെന്നും സ്ഥിതിഗതികള്‍ നിയന്ത്രണ വിധേയമാണെന്നും മിര്‍സ വ്യക്തമാക്കി.
