അഹമ്മദാബാദ്: ഇന്ത്യ സന്ദര്ശിക്കുന്ന അമേരിക്കന് പ്രസിഡന്റ് ഡോണള്ഡ് ട്രംപ് കടന്നുപോകുന്ന ഗുജറാത്തിലെ വിവിധ പ്രദേശങ്ങള് മതില് കെട്ടി മറയ്ക്കാന് തീരുമാനം. അഹമ്മദാബാദ് വിമാനത്താവളം മുതല് ഗാന്ധിനഗര് വരെയുള്ള പ്രദേശങ്ങളില് സ്ഥിതി ചെയ്യുന്ന ചേരിപ്രദേശങ്ങളാണ് വന് മതിലുകള് കെട്ടി മറയ്ക്കുന്നത്. അഹമ്മദാബാദ് മുനിസിപ്പല് കോര്പറേഷന്റേതാണ് തീരുമാനം.
ട്രംപിന്റെ റോഡ് ഷോ കടന്നുപോകുന്ന സര്ദാര് വല്ലഭായി പട്ടേല് രാജ്യാന്തര വിമാനത്താവളവും ഇന്ദിര പാലവും തമ്മില് ചേരുന്ന സ്ഥലത്ത് ഏഴടിയോളം ഉയരമുള്ള മതിലാണ് സ്ഥാപിക്കുന്നത്. 2,500ലധികം പേര് താമസിക്കുന്ന ചേരി പ്രദേശങ്ങളും കുടിലുകളും ഇതു വഴി മറയ്ക്കപ്പെടും.
അമേരിക്കന് പ്രസിഡന്റിന്റെ സന്ദര്ശനവുമായി ബന്ധപ്പെട്ട് 50 കോടിയുടെ നിര്മാണ പ്രവര്ത്തികളാണ് അഹമ്മദാബാദില് പുരോഗമിക്കുന്നതെന്ന് ദേശീയ മാധ്യമങ്ങള് റിപ്പോര്ട്ടു ചെയ്തു. 16 റോഡുകളുടെ നവീകരണവും വഴിവിളക്കുകളുടെ അറ്റകുറ്റപണികളും പൂര്ത്തിയായി വരുന്നു. വര്ഷങ്ങള്ക്കുശേഷമാണ് ഗുജറാത്തില് റോഡുകളുടെ നവീകരണപ്രവര്ത്തനങ്ങള് നടക്കുന്നത്.
താഴെക്കൊടുത്തിരിക്കുന്ന ലിങ്കിൽ ക്ലിക്ക് ചെയ്തു കേരളവിഷൻ ഗ്രൂപ്പിൽ ചേരാം:
https://chat.whatsapp.com/Keu1BbwaLSJI92UgqjyT4I