ബെയ്ജിംഗ്: കൊറോണ ബാധയെ തുടര്ന്ന് ചൈനയില് മരിച്ചവരുടെ എണ്ണം 724 ആയി. രോഗബാധിതരുടെ എണ്ണം 34,000 കവിഞ്ഞെന്ന് റിപ്പോര്ട്ട്. ഇതിനിടെ കൊറോണയെ പ്രതിരോധിക്കാന് ലോകരാജ്യങ്ങളില് നിന്ന് 67 കോടി ഡോളര് സഹായം ആവശ്യപ്പെട്ട് ലോകാരോഗ്യ സംഘടന രംഗത്തെത്തി. അമേരിക്കയില് 12 പേര്ക്ക് കൊറോണ സ്ഥിരീകരിച്ചു. ഹുബേയില് മാത്രം ഇന്നലെ മരിച്ചത് 81 പേരാണ്. ചൈനക്ക് പുറത്ത് ഹോങ്കോങിലും ഫിലിപ്പീൻസിലുമായി രണ്ടുപേര് കൊറോണ ബാധിച്ച് മരിച്ചു. ഇതിനിടെ ചൈനയിൽ നിന്നെത്തുന്നവരെ നിരീക്ഷിക്കാൻ ഹോങ്കോങ് കൂടുതൽ നടപടികൾ പ്രഖ്യാപിച്ചു. ചൈനയിൽ നിന്നെത്തുന്നവരോട് രണ്ടാഴ്ചക്കാലം പൊതുവേദികളിൽ പ്രത്യക്ഷപ്പെടരുതെന്ന് ആവശ്യപ്പെട്ട ഹോങ്കോങ് നിയമം ലംഘിച്ചാൽ കടുത്ത നടപടി എടുക്കുമെന്ന് മുന്നറിയിപ്പ് നൽകിയിട്ടുണ്ട്.
കൊറോണ വൈറസ്: ചൈനയില് മരിച്ചവരുടെ എണ്ണം 724 ആയി
By
February 8, 2020 9:41 am