കൊച്ചി: കേരളത്തില്‍ ലൗജിഹാദുണ്ടെന്ന നിലപാടില്‍ മാറ്റമില്ലെന്ന് സീറോ മലബാര്‍ സഭ. വിവിധ രൂപതകളില്‍ നിന്നുള്ള പരാതി പരിശോധിച്ചാണ് സിനഡിന്റെ നിലപാട്. പരാതികളെ ഇസ്ലാം മതത്തിനെതിരായ നിലപാടായി ചിത്രീകരിക്കരുത്. മതസൗഹാര്‍ദത്തെ തകര്‍ക്കുന്ന പ്രശ്‌നമായി ലൗ ജിഹാദിനെ സഭ കാണുന്നില്ല. സമൂഹത്തെയും കുടുംബത്തെയും പ്രതികൂലമായി ബാധിക്കുന്ന വിഷയമാണിത്. ഇക്കാര്യത്തില്‍ കാര്യക്ഷമമായ പോലീസ് അന്വേഷണം വേണമെന്നും സഭ ആവശ്യപ്പെട്ടു.
