തിരുവനന്തപുരം: തദ്ദേശ തെരഞ്ഞെടുപ്പിനുള്ള കരട് വോട്ടര്‍ പട്ടിക ഞായറാഴ്ച പ്രസിദ്ധീകരിക്കുമെന്ന് സംസ്ഥാന തെരഞ്ഞെടുപ്പ് കമ്മീഷണര്‍ അറിയിച്ചു. പഞ്ചായത്ത് മുനിസിപ്പാലിറ്റികളില്‍ നിലവിലെ വോട്ടര്‍ പട്ടിക പുതുക്കുന്നതിനുള്ള കരട് ലിസ്റ്റാണ് പുറത്തുവിടുന്നത്. 941 ഗ്രാമപഞ്ചായത്ത്, 86 മുനിസിപ്പാലിറ്റി, ആറു കോര്‍പറേഷനുകളിലെ വോട്ടര്‍ പട്ടികയാണ് പുതുക്കുന്നത്.
കരട് വോട്ടര്‍ പട്ടിക സംബന്ധിച്ച അപേക്ഷകളും ആക്ഷേപങ്ങളും ഞായറാഴ്ച മുതല്‍ ഫെബ്രുവരി 14വരെ ഇലക്ടറര്‍ രജിസ്ട്രേഷന്‍ ഓഫീസര്‍മാര്‍ക്ക് സമര്‍പ്പിക്കാം. അന്തിമ വോട്ടര്‍പട്ടിക ഫെബ്രുവരി 28ന് പ്രസിദ്ധീകരിക്കും. 2020 ജനുവരി ഒന്നിനോ അതിനു മുന്പോ 18 വയസ് തികഞ്ഞവര്‍ക്ക് പട്ടികയില്‍ പേരുചേര്‍ക്കാവുന്നതാണ്‌.
