മൊഗാദിഷു: സൊമാലിയയുടെ തലസ്ഥാനമായ മൊഗാദിഷുവില്‍ ചെക്ക് പോയിന്റില്‍ കാര്‍ബോംബ് പൊട്ടിത്തെറിച്ച് 73 മരണം. 50ലേറെപ്പേര്‍ക്ക് പരിക്കേറ്റു. ഇവരിലേറെയും വിദ്യാര്‍ഥികളാണ്. സര്‍വകലാശാല വിദ്യാര്‍ഥികളുമായി പോകുകയായിരുന്ന ബസും സ്‌ഫോടനത്തില്‍ തകര്‍ന്നു. സ്‌ഫോടനം നടന്നതിനു പിന്നാലെ രക്ഷാപ്രവര്‍ത്തനത്തിനായി പലരും ഓടിയെത്തിയെങ്കിലും ഭീകരാക്രമണം സംശയിച്ച് സൈന്യം വെടിവയ്ക്കുകയായിരുന്നു. 1991 മുതല്‍ ആഭ്യന്തരയുദ്ധത്തില്‍ പൊറുതിമുട്ടുന്ന സൊമാലിയയില്‍ അടുത്തിടെ നടന്ന ഏറ്റവും ഭീകരമായ സ്‌ഫോടനങ്ങളിലൊന്നാണ് ഇത്.
