അമലാപോള് നായികയായി അഭിനയിച്ച തമിഴ് ചിത്രം ‘ആടൈ’ ഹിന്ദിയിലേക്ക്. കങ്കണയാണ് നായികയായി എത്തുന്നത് എന്നാണ് റിപ്പോര്ട്ട്. നിലവില് കങ്കണ ജയലളിതയുടെ ജീവിത കഥ പറയുന്ന ‘തലൈവി’ എന്ന ചിത്രത്തില് അഭിനയിച്ച് കൊണ്ടിരിക്കുകയാണ്. ഈ ചിത്രം പൂര്ത്തിയാക്കിയതിന് ശേഷം താരം ‘ആടൈ’ ചിത്രത്തില് അഭിനയിക്കുമെന്നാണ് പറയുന്നത്. ചിത്രം ഹിന്ദിയില് ഒരുക്കാനുള്ള തയ്യാറെടുപ്പിലാണ് സംവിധായകന് രത്നകുമാര്. തമിഴില് ‘ആടൈ’ രത്നകുമാര് തന്നെയാണ് ഒരുക്കിയത്. കാമിനി എന്ന കഥാപാത്രത്തെയാണ് അമല ചിത്രത്തില് അവതരിപ്പിച്ചത്. ചിത്രത്തില് അമലപോള് നഗ്നയായി എത്തിയത് ഏറെ ചര്ച്ച ചെയ്യപ്പെട്ടിരുന്നു.
‘ആടൈ’ ഹിന്ദിയിലേക്ക്; നായികയായി കങ്കണ
By
October 22, 2019 3:56 pm