നാളെ ശബരിമല ദര്ശനത്തിനായി എത്തുമെന്ന് തൃപ്തി ദേശായി.
ശബരിമലയില് തല്ക്കാലം യുവതികള്ക്ക് പ്രവേശനം അനുവദിക്കേണ്ട എന്ന സര്ക്കാര് തീരുമാനത്തിന് പിന്നാലെയാണ് ദര്ശനത്തിനായി കേരളത്തിലെത്തുമെന്ന് ഭൂമാത ബ്രിഗേഡ് നേതാവ് തൃപ്തി ദേശായി അറിയിച്ചിരിക്കുന്നത്.
തന്റെ പക്കല് 2018 ലെ സുപ്രീം കോടതിയുടെ വിധി പകര്പ്പുണ്ടെന്നും തനിക്ക് എന്തു സംഭവിച്ചാലും സംസ്ഥാന സര്ക്കാരിനാവും പൂര്ണ്ണ ഉത്തരവാദിത്തമെന്നും തൃപ്തി പറഞ്ഞു.
ശബരിമലയില് എല്ലാ പ്രായക്കാരായ സ്ത്രീകള്ക്കും പ്രവേശനം അനുവദിച്ച 2018 ലെ സുപ്രീം കോടതി വിധിക്ക് സ്റ്റേ അനുവദിച്ചിട്ടില്ലാത്തതുകൊണ്ട് ആ വിധി നിലനില്ക്കുന്നുണ്ടെന്നും. ഇപ്പോള് സംസ്ഥാന സര്ക്കാര് പറയുന്നത് ശബരിമലയില് പ്രവേശിക്കണമെങ്കില് യുവതികള് കോടതി ഉത്തരവുമായി വരണമെന്നാണെന്നും എന്നാല് എന്റെ കൈയ്യില് വിധിപ്പകര്പ്പുണ്ടെന്നും അതുമായി നാളെ ഞാന് ശബരിമലയിലേക്ക് വരുമെന്നും എന്ത് സംഭവിച്ചാലും പൂര്ണ്ണ ഉത്തരവാദിത്തം സംസ്ഥാന സര്ക്കാരിനാണെന്നും തൃപ്തി പറഞ്ഞു.