ഫ്ളിപ്കാര്ട്ട്, ആമസോണ് ഉള്പ്പടെയുള്ള ഇ-കൊമേഴ്സ് കമ്പനികള് നല്കുന്ന വന് വിലക്കിഴിവിന് സര്ക്കാര് നിയന്ത്രണം ഏര്പ്പെടുത്തുന്നു. ഇതുസംബന്ധിച്ച് കരട് പോളിസി വിലയിരുത്തുന്നതിനായി സര്ക്കാര് വിതരണം ചെയ്തു.
49 ശതമാനം വിദേശ നിക്ഷേപം അനുവദിക്കാമെന്നും അതേസമയം, ഇത്തരം സൈറ്റുകള് വഴി വില്ക്കുന്നത് ഇന്ത്യയില് നിര്മിച്ചവയാകണമെന്നും കരട് നയം മുന്നോട്ടുവെയ്ക്കുന്നു. ഉപഭോക്താക്കളുടെ പരാതികള് പരിഹരിക്കുന്നതിനും അവസരമുണ്ടാകും. ഇ-കൊമേഴ്സ് മേഖലയ്ക്കാകെ പുതിയ നിയമം ബാധകമാകും.
രാജ്യത്തെ ഇ-കൊമേഴ്സ് മേഖലയെ സോഫ്റ്റ്ബാങ്ക്, ആലിബാബ, വാള്മാര്ട്ട്, ടൈഗര് ഗ്ലോബല് തുടങ്ങിയ ആഗോള ഭീമന്മാര് ലക്ഷ്യമിട്ടതോടെയാണ് നിയന്ത്രണങ്ങള് കൊണ്ടുവരാന് സര്ക്കാര് തയ്യാറെടുക്കുന്നത്.