ന്യൂഡല്ഹി: മോദി സര്ക്കാര് സ്വീകരിച്ചിട്ടുള്ള തെറ്റായ നടപടികളാണ് സാമ്പത്തിക മാന്ദ്യത്തിന് കാരണമെന്ന് മുതിര്ന്ന കോണ്ഗ്രസ് നേതാവ് മന്മോഹന്സിംഗ്. കഴിഞ്ഞ ആറ് വര്ഷത്തിനിടെ ഇന്ത്യയുടെ സമ്പദ് വ്യവസ്ഥ ഏറ്റവും മന്ദഗതിയിലായ കണക്കുകള് പുറത്തുവന്നതിനു പിന്നാലെയാണ് വിമര്ശനവുമായി മന്മോഹന്സിംഗ് രംഗത്ത് എത്തിയത്.
രാജ്യത്തിന്റെ നിലവിലെ സാമ്പത്തിക പ്രതിസന്ധി മനുഷ്യ നിര്മ്മിതമാണെന്നും ഈ പ്രതിസന്ധിയിലൂടെ രാജ്യത്തിന്റെ മുന്നോട്ടുപോക്ക് ദുഷ്കരമാണെന്നും അദ്ദേഹം പറഞ്ഞു. സമ്പദ് വ്യവസ്ഥയിലെ പ്രതിസന്ധിയില്നിന്ന് കരകയറാന് രാഷ്ട്രീയം മാറ്റിവച്ച് നടപടികള് സ്വീകരിക്കണമെന്നും മന്മോഹന് സിംഗ് ആവശ്യപ്പെട്ടു.