തിരുവനന്തപുരം : സസ്പെന്ഷനില് കഴിയുന്ന ഡിജിപി ജേക്കബ് തോമസിനെ സര്വീസില് തിരിച്ചെടുക്കാന് ശുപാര്ശ. ആഭ്യന്തര വകുപ്പാണ് ശുപാര്ശ നല്കിയത്.
അഡീഷണല് ചീഫ് സെക്രട്ടറി ഫയല് ചീഫ് സെക്രട്ടറിക്ക് കൈമാറി. ജേക്കബ് തോമസിനെ സര്വീസില് തിരികെ എടുക്കാന് കേന്ദ്ര അഡ്മിനിസ്ട്രേറ്റീവ് ട്രിബ്യൂണല് വിധിച്ചിരുന്നു. ഇതിന്റെ അടിസ്ഥാനത്തിലാണ് നടപടി.
ആഭ്യന്തര വകുപ്പിന്റെ ശുപാര്ശയിന്മേല് ഇനി മുഖ്യമന്ത്രി പിണറായി വിജയനാകും അന്തിമ തീരുമാനമെടുക്കുക. ജേക്കബ് തോമസിനെ അടിയന്തരമായി സര്വീസില് തിരിച്ചെടുക്കാനായിരുന്നു അഡ്മിനിസ്ട്രേറ്റീവ് ട്രിബ്യൂണല് ഉത്തരവിട്ടത്.