ഫറൂഖാബാദ്: ലേബർ റൂമിൽ കിടക്കയില്ലാത്തതിനാൽ പ്രവേശനം നിഷേധിക്കപ്പെട്ട യുവതി ആശുപത്രി ഇടനാഴിയിൽ പ്രസവിച്ചു. ഉത്തർപ്രദേശിലെ ഫറൂഖാബാദിലെ റാം മനോഹർ ലോഹ്യ സർക്കാർ ആശുപത്രിയിലാണ് സംഭവം.
പ്രസവശേഷമാണ് യുവതിയെയും കുഞ്ഞിനെയും ലേബർ റൂമിലേക്ക് മാറ്റിയത്. രക്തത്തിൽ കുളിച്ച നിലയിലാണ് അമ്മയും കുഞ്ഞും കവാടത്തിൽ കിടന്നിരുന്നത്. സംഭവത്തിൽ ജില്ലാ കളക്ടർ അന്വേഷണത്തിന് ഉത്തരവിട്ടു.
2017ൽ ഓക്സിജന്‍റെ ലഭ്യതയില്ലാത്തതിനാൽ നവജാത ശിശുക്കള്‍ ഈ ആശുപത്രിയില്‍ മരിച്ചത് വിവാദമായിരുന്നു.
