ഉന്നാവ് കേസ് വിചാരണ നടപടികള്‍ ലക്‌നൗവില്‍ ഡല്‍ഹിയിലേക്ക് മാറ്റി സുപ്രീംകോടതി ഉത്തരവ്. അഞ്ച് കേസുകളാണ് ഡല്‍ഹി കോടതിയിലേക്ക് മാറ്റുന്നത്. വിചാരണ 45 ദിവസത്തിനകം പൂര്‍ത്തിയാക്കണം. എല്ലാ ദിവസവും വാദം കേള്‍ക്കണം. ഈ കേസിന് വേണ്ടി മാത്രം പ്രത്യേക ജഡ്ജിയെ നിയമിക്കണമെന്നും സുപ്രീംകോടതി നിര്‍ദ്ദേശിച്ചു.
വാഹനാപകടക്കേസിന്റെ അന്വേഷണം ഏഴ് ദിവസത്തിനകം പൂര്‍ത്തിയാക്കണം. പെണ്‍കുട്ടിയ്ക്ക് 25 ലക്ഷംരൂപ അടിയന്തരസഹായമായി നല്‍കണം. പെണ്‍കുട്ടിയുടെ കുടുംബത്തിന് സിആര്‍പിഎഫ് സുരക്ഷ ഉറപ്പാക്കണം. കുടുംബത്തിന് സമ്മതമാണെങ്കില്‍ പെണ്‍കുട്ടിയെ ഡല്‍ഹിയിലേക്ക് മാറ്റാമെന്നും സുപ്രീംകോടതി അറിയിച്ചു.
