കൊച്ചി: കര്‍ദ്ദിനാള്‍ മാര്‍ ജോര്‍ജ് ആലഞ്ചേരിയെ ഭരണച്ചുമതലയില്‍ നിന്നും മാറ്റണമെന്നാവശ്യപ്പെട്ടുള്ള ഒരു വിഭാഗം വൈദികരുടെ പ്രതിഷേധ സമരത്തില്‍ സ്ഥിരം സിനഡ് ഇടപ്പെടും. ഇന്ന് വൈകിട്ട് മൂന്ന് മണിക്ക് സിറോ മലബാര്‍ സഭ സ്ഥിരം സിനഡിന്റെ അംഗങ്ങള്‍ ഉപവാസം നടത്തുന്ന വൈദികരുമായി ചര്‍ച്ച നടത്തും. ഭൂമിയിടപാടില്‍ കര്‍ദ്ദിനാളിനെതിരെ നിലപാടെടുത്ത വൈദികരെ വ്യാജരേഖ കേസിന്റെ പേരില്‍ വേട്ടയാടുകയാണെന്നും സമരം ചെയ്യുന്ന വൈദികര്‍ ആരോപിക്കുന്നത്. വ്യാജ രേഖ കേസില്‍ അന്വേഷണം ആവശ്യപ്പെട്ട് കര്‍ദ്ദിനാള്‍ നല്‍കിയ കേസ് പിന്‍വലിക്കണമെന്നും സമരക്കാര്‍ ആവശ്യപ്പെടുന്നു.
