ആംസ്റ്റര്ഡാം: അതിക്രമിച്ച് യു.എസ് അതിര്ത്തി കടക്കുന്നതിനിടെ പിടിക്കപ്പെട്ട മാതാവിനെ സുരക്ഷാ ഉദ്യോഗസ്ഥര് ചോദ്യം ചെയ്യുന്നത് കണ്ട് ഭയന്നു വിറച്ച് കരഞ്ഞ പിഞ്ചു കുഞ്ഞിന്െറ ചിത്രം പലരുടെയും മനസ്സിനെ ദുഖത്തിലാഴ്ത്തി . ജോണ് മൂര് എടുത്ത ഈ ചിത്രം ലോക പ്രസ് ഫോട്ടോ പുരസ്കാരത്തിന് അര്ഹമായി. ലോകത്താകമാനമുള്ള 4738 ഫോട്ടോഗ്രാഫര്മാരുടെ 78,801 ചിത്രങ്ങളില് നിന്നാണ് പുരസ്കാരാര്ഹമായ ചിത്രം തെരഞ്ഞെടുത്തത്.
സാന്ദ്ര സാഞ്ചസ് എന്ന യുവതിയും മകള് യനേലയും യു.എസിലേക്ക് അനധികൃതമായി കടക്കുന്നതിനിടെ കഴിഞ്ഞ വര്ഷം ജൂണ് 12ന് യു.എസ്-മെക്സിക്കോ അതിര്ത്തിയില് പിടിക്കപ്പെടുകയായിരുന്നു. അമ്മയെ യു.എസ് സുരക്ഷാ ഉദ്യോഗസ്ഥര് ചോദ്യം ചെയ്യുന്നത് കണ്ട കുഞ്ഞു യനേല സുരക്ഷാ ഉദ്യോഗസ്ഥരുടെ മുഖത്ത് നോക്കി പേടിച്ച് കരയാന് തുടങ്ങി. ഈ ചിത്രമാണ് മൂര് തന്െറ കാമറയില് പകര്ത്തിയത്. ലോകവ്യാപകമായി ഏറെ ചര്ച്ച ചെയ്യപ്പെട്ട ചിത്രമായിരുന്നു ഇത്.