അയോധ്യ: ലോകം ചുറ്റി സഞ്ചരിക്കുന്ന പ്രധാനമന്ത്രി നരേന്ദ്രമോദിക്ക് സ്വന്തം മണ്ഡലം സന്ദർശിക്കാൻ സമയമില്ലെന്ന് കോൺഗ്രസ് ജനറൽ സെക്രട്ടറി പ്രിയങ്ക ഗാന്ധി വദ്ര. അഞ്ച് വർഷത്തിനിടെ വാരണാസിയിലെ ഒരു ഗ്രാമം സന്ദർശിക്കാൻ പോലും മോദി സമയം കണ്ടെത്തിയില്ല. ഒരു കുടുംബത്തെ പോലും അദ്ദേഹം സന്ദർശിച്ചില്ലെന്നും പ്രിയങ്ക ആരോപിച്ചു.
Priyanka Gandhi Vadra in Ayodhya: I asked people if PM visits villages in Varanasi, I got reply 'he does not visit'. I was surprised because his publicity is such that I thought he must have been doing something.He visited whole world & hugged everyone, but didn't hug his own ppl pic.twitter.com/zWivDkV6Hw
— ANI UP (@ANINewsUP) March 29, 2019
യുപിയിലെ ഫൈസാബാദിൽ തെരഞ്ഞെടുപ്പ് പ്രചാരണ റാലിയിൽ സംസാരിക്കുകയായിരുന്നു അവർ. മോദി നിങ്ങളുടെ ഗ്രാമം സന്ദർശിച്ചിട്ടുണ്ടോ എന്ന ചോദിച്ചപ്പോൾ ഗ്രാമവാസികളുടെ മറുപടി ഇല്ല എന്നായിരുന്നു. വാരണാസിയിലെ ജനങ്ങളുടെ വാക്കുകൾ കേട്ട് താൻ സ്തബ്ധയായെന്നും പ്രിയങ്ക പറഞ്ഞു. ലോകമൊട്ടുക്കും സഞ്ചരിക്കുകയും എല്ലാവരെയും ആശ്ലേഷിക്കുകയും ചെയ്ത പ്രധാനമന്ത്രി സ്വന്തം ജനങ്ങളെ ഒരിക്കൽ പോലും ആശ്ലേഷിക്കാൻ തയാറായില്ലെന്നും പ്രിയങ്ക പറഞ്ഞു.
അമേരിക്ക, ജപ്പാൻ, ചൈന അടക്കമുള്ള ലോകരാജ്യങ്ങളിൽ പോയ പ്രധാനമന്ത്രി സ്വന്തം മണ്ഡലത്തിലെ ജനങ്ങളെ കാണാൻ ഒരിക്കലും പോലും സമയം ചെലവഴിച്ചില്ല. വാരണാസിയിലെ ജനങ്ങൾക്ക് വേണ്ടി മോദി ഒന്നും ചെയ്തില്ല. അവരുമായി ഇടപെട്ടില്ലെന്നും പ്രിയങ്ക പറഞ്ഞു. ഇതൊരു ചെറിയ കാര്യമല്ല, വലിയ പ്രശ്നം തന്നെയാണ്. സർക്കാരിന്‍റെ ഉദ്ദേശത്തെയാണ് ഇത് വെളിവാക്കുന്നത്. ധനികരെ കൂടുതൽ ധനികരാക്കുന്ന സർക്കാർ പക്ഷേ പാവപ്പെട്ടവരെ സഹായിക്കുന്നില്ലെന്നും കോൺഗ്രസ് നേതാവ് ആരോപിച്ചു
