ആലപ്പുഴ:പുന്നപ്രയില് 43 കാരനായ ട്രക്ക് ഡ്രൈവര് രനീഷിനെ ആന തുമ്പിക്കൈയില് എടുത്തെറിഞ്ഞു. ആനയുടെ തുമ്പിക്കയ്യില് തൊട്ടു നില്ക്കുന്ന ഫോട്ടോ എടുക്കാന് വേണ്ടിയായിരുന്നു ഇയാള് വളരെ അടുത്ത് വരെ ചെന്നത്. എന്നാല് ആന ഇയാളെ എടുത്തെറിയുകയായിരുന്നു. തുടര്ന്ന് ഗുരുതരമായി പരിക്കേറ്റ ഇയാളെ ആശുപത്രിയില് പ്രവേശിപ്പിച്ചു. ശസ്ത്രക്രിയ വേണ്ടി വരുമെന്നാണ് ഡോക്ടര്മാര് അറിയിച്ചിരിക്കുന്നതെന്ന് ഇയാളുമായി ബന്ധപ്പെട്ട വൃത്തങ്ങള് പറയുന്നു. ഇയാളെ ആന എടുത്ത് എറിയുന്ന ദൃശ്യങ്ങള് ഇതിനോടകം സോഷ്യല് മീഡിയയില് വൈറല് ആയിക്കഴിഞ്ഞു.