ശ്രീനഗർ: ജമ്മുകാഷ്മീരിലെ ബദ്ഗാമിൽനിന്നും സൈനികനെ തട്ടിക്കൊണ്ടുപോയെന്ന വാർത്ത തള്ളി പ്രതിരോധമന്ത്രാലയം. മുഹമ്മദ് യാസീൻ ഭട്ട് സുരക്ഷിതനാണെന്നും മാധ്യമവാർത്തകൾ വസ്തുതാപരമല്ലെന്നും പ്രതിരോധമന്ത്രാലയം അറിയിച്ചു. ഊഹാപോഹങ്ങള് പ്രചരിപ്പിക്കരുതെന്നും മന്ത്രാലയം അറിയിച്ചു. ബദ്ഗാമിലെ ഖാസിപോര ചദൂരയിലെ വീട്ടിൽ കഴിഞ്ഞ മാസം 26 ന് ആണ് ഒരു മാസത്തെ അവധിക്കായി യാസീൻ ഭട്ട് എത്തിയത്. അദ്ദേഹം വീട്ടിൽ സുരക്ഷിതനായുണ്ടെന്നാണ് സർക്കാർ നൽകുന്നവിവരം. ഭട്ടിനെ വീട്ടിൽനിന്നും ഭീകരർ തട്ടിക്കൊണ്ടുപോയെന്നായിരുന്നു വാർത്ത വന്നത്
