തിരുവനന്തപുരം: കർഷകരെ മാനസിക സമ്മർദത്തിലാക്കുന്നത് ബാങ്കുകളെന്ന് കൃഷിമന്ത്രി വി.എസ്.സുനിൽകുമാർ. ജപ്തി നടപടികൾ പാടില്ലെന്ന സർക്കാർ നിർദേശവും ബാങ്കുകൾ പാലിക്കുന്നില്ല. ബാങ്കുകൾ ജപ്തി നടപടി അവസാനിപ്പിക്കണമെന്നും മന്ത്രി പറഞ്ഞു. ഇടുക്കിയിൽ കർഷക ആത്മഹത്യകൾ വർധിച്ചിട്ടും ബാങ്കുകൾ ജപ്തി നടപടിയുമായി മുന്നോട്ടുപോകുന്ന പശ്ചാത്തലത്തിലാണ് മന്ത്രിയുടെ പ്രതികരണം. ഇതുവരെ 10,000ഓളം കർഷകർക്കാണ് ജപ്തി നോട്ടീസ് നൽകിയത്. സർക്കാർ നടപടി എടുക്കുന്നില്ലെന്നും ഇതു കർഷകരോടുള്ള അവഹേളനമാണെന്ന് കർഷക മോർച്ച ആരോപിച്ചിരുന്നു.
ബാങ്കുകൾ ജപ്തി നടപടി അവസാനിപ്പിക്കണം: മന്ത്രി വി.എസ്.സുനിൽകുമാർ
By
March 4, 2019 11:48 am