കൊച്ചി: ശബരിമല വിഷയത്തില് രൂക്ഷ പരാമര്ശങ്ങളുമായി കേരള ഹൈക്കോടതി. യുവതികള് മല കയറിയ സംഭവത്തില് രഹസ്യ അജന്ഡയുണ്ടായിരുന്നോ എന്ന് വാദത്തിനിടെ ഹൈക്കോടതി. ശബരിമല യുവതീപ്രവേശനവുമായി ബന്ധപ്പെട്ട പതിനഞ്ചോളം ഹര്ജികള് പരിഗണിക്കുകയായിരുന്നു ഹൈക്കോടതി.
ശബരിമലയില് ദര്ശനം നടത്തിയ യുവതികള് വിശ്വാസികളാണോ എന്നും എന്തെങ്കിലും തെളിയിക്കാനായാണോ അവര് അവിടെ വന്നതെന്നും ഹൈക്കോടതി ചോദിച്ചു. ഇവര് വിശ്വാസികളാണെന്ന് സര്ക്കാര് മറുപടി നല്കി. ഇക്കാര്യത്തില് വിശദമായ വിശദീകരണം രേഖമൂലം നല്കാന് ഹൈക്കോടതി നിര്ദേശിച്ചു. എല്ലാ വിവരങ്ങളും പേപ്പറില് കാണണമെന്നായിരുന്നു എജിയോടുള്ള ഹൈക്കാടതിയുടെ വാക്കാലുള്ള പരാമര്ശം.
ആരുടെ എങ്കിലും നിര്ബന്ധപ്രകാരമാണോ യുവതികള് മല കയറിയത്. എല്ലാം നന്നായി പോകുമ്പോള് ആരാണ് പ്രശ്നമുണ്ടാക്കാന് ശ്രമിക്കുന്നത്…? സര്ക്കാര്നു അജണ്ട ഉണ്ടെന്ന് പറയുന്നില്ല….പക്ഷെ അജണ്ട ഉള്ളവരെ തിരിച്ചറിയാന് സാധിക്കണം. അതിന് സര്ക്കാരിന് സാധിക്കുന്നില്ലെങ്കില് പുറത്തു നിന്നുള്ള ഏജന്സിയെ കൊണ്ടു വരുമെന്ന മുന്നറിയിപ്പും ഇന്ന് ഹൈക്കോടതിയില് നിന്നും ഉണ്ടായി.
ശബരിമല വിശ്വാസികള്ക്കുള്ള സ്ഥലമാണെന്നും ഹൈക്കോടതി വാദത്തിനിടെ ഓര്മപ്പെടുത്തി. യുവതീ പ്രവേശനവുമായി ബന്ധപ്പെട്ട് സെപ്ഷ്യല് കമ്മീഷണര് സമര്പ്പിച്ച റിപ്പോര്ട്ട് പരിഗണിക്കുഴാണ് ഹൈക്കോടതി ഇക്കാര്യങ്ങള് ചോദിച്ചത്. അതേസമയം, റിപ്പോര്ട്ടിന് മറുപടി നല്കാന് സര്ക്കാര് കൂടുതല് സമയം ആവശ്യപ്പെട്ടു.