കൊച്ചി: സോഷ്യല് മീഡിയയിലൂടെ മതവികാരം വ്രണപ്പെടുത്തിയെന്ന കേസില് റിമാന്ഡില് കഴിയുന്ന രഹന ഫാത്തിമയ്ക്ക് ഹൈക്കോടതി ജാമ്യം അനുവദിച്ചു. മത സ്പര്ധ വളര്ത്തുന്ന പരാമര്ശങ്ങള് നടത്താന് പാടില്ല, പമ്പ പോലീസ് സ്റ്റേഷന് പരിധിയില് 3 മാസത്തേക്ക് കയറാന് പാടില്ല തുടങ്ങിയ ഉപാധികളോടെയാണ് ജാമ്യം അനുവദിച്ചത്.
മലകയറുന്നതിന് മുമ്പ് രഹന ഫാത്തിമ ഫെയ്സ്ബുക്കില് പങ്ക് വെച്ച ചിത്രമാണ് കേസിനാസ്പദമായത്. തത്വമസി എന്ന അടികുറിപ്പോടെയായിരുന്നു ചിത്രം. പത്തനംതിട്ട പ്രിന്സിപ്പല് സെഷന്സ് കോടതിയും ജാമ്യാപേക്ഷ തള്ളിയിരുന്നു.