തിരുവനന്തപുരം: ഈ മാസം ആറിന് ബംഗാള് ഉള്ക്കടലിന്റെ തെക്കന് ഭാഗങ്ങളില് ന്യൂനമര്ദ്ദം രൂപപ്പെടുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. നവംബര് ആറുമുതല് മത്സ്യത്തൊഴിലാളികള് ബംഗാള് ഉള്ക്കടലിന്റെ തെക്കന് ഭാഗത്ത് മത്സ്യബന്ധനത്തിന് പോകരുതെന്നും അറിയിപ്പുണ്ട്.
അടുത്ത ആറു ദിവസം സംസ്ഥാനത്ത് കനത്ത മഴ ലഭിക്കുമെന്നും കാലാവസ്ഥാ ഗവേഷണ കേന്ദ്രം അറിയിച്ചിട്ടുണ്ട്. ഇടിമിന്നലോടുകൂടിയ അതിശക്തമായ മഴയ്ക്കാണ് സാധ്യത. തിരുവനന്തപുരത്ത് കനത്ത മഴ പെയ്തതിന് പിന്നാലെ നെയ്യാര്, അരുവിക്കര, പേപ്പാറ ഡാമുകള് തുറന്നു. നദീതീരങ്ങളില് ജാഗ്രതാ നിര്ദേശമുണ്ട്.