തിരുവനന്തപുരം: ശബരിമലയിലും പമ്പയിലും നിലയ്ക്കലിലും ഉണ്ടായ സംഘര്ഷങ്ങളില് അറസ്റ്റ് ചെയ്തവരുടെ എണ്ണം 2825 ആയി. പ്രാര്ത്ഥന യോഗങ്ങളിലും ജാഥകളിലും പങ്കെടുത്ത സ്ത്രീകള്ക്കെതിരെ നടപടിയെടുക്കില്ല. അക്രമ സംഭവങ്ങളില് നേരിട്ട് പങ്കാളികളായ വരെ മാത്രം റിമാന്ഡ് ചെയ്താല് മതിയെന്നാണ് ഡിജിപിയുടെ നിര്ദ്ദേശം.
ശബരിമല അക്രമസംഭവങ്ങളുമായി ബന്ധപ്പെട്ട് ഇതുവരെ 495 കേസുകള് രജിസ്റ്റര് ചെയ്തിട്ടുണ്ട്. കലാപശ്രമം നിരോധനാജ്ഞ ലംഘിച്ച് സംഘം ചേരല്, പൊതുമുതല് നശിപ്പിക്കല്, പൊലീസിനെ ആക്രമിക്കല്, ഉദ്യോഗസ്ഥരെ കൃത്യനിര്വ്വഹണത്തില് നിന്നും തടയല് എന്നീ വകുപ്പുകള് ചുമത്തിയാണ് മിക്ക കേസുകളും രജിസ്റ്റര് ചെയ്തിരിക്കുന്നത്.