ആത്മാര്ഥമായ വിശ്വാസമുണ്ടെങ്കില് കണ്ണൂരിലെ യുവതി ശബരിമലയിലേക്കു വരില്ലെന്ന് ദേവസ്വം ബോര്ഡ് പ്രസിഡന്റ് എ. പത്മകുമാര്. ‘ശബരിമല ക്ഷേത്രത്തോട് ആത്മാര്ഥമായ വിശ്വാസമുള്ള ആളാണെങ്കില് വരുമെന്നു വിശ്വസിക്കുന്നില്ല. ആചാരങ്ങളെ ബഹുമാനിക്കുന്നുവെങ്കില് മലകയറാന് വരില്ല. പേരെടുക്കാനാണ് ശ്രമമെങ്കില് വന്നേക്കാമെന്നും പത്മകുമാര് പറഞ്ഞു.
ശബരിമലയില് യുവതീപ്രവേശനം അനുവദിച്ച സുപ്രീം കോടതിവിധിയുടെ പശ്ചാത്തലത്തില്, താന് ദര്ശനത്തിനെത്തുമെന്നും അതിനായി 41 ദിവസത്തെ വ്രതത്തിലാണെന്നും കണ്ണൂര് സ്വദേശിനി രേഷ്മ ഫെയ്സ്ബുക്കിലൂടെ അറിയിച്ചിരുന്നു. വടക്കന് കേരളത്തില് നിന്നും സംഘങ്ങളായി യുവതികള് അയ്യപ്പ ദര്ശനത്തിനെത്തുമെന്നാണ് റിപ്പോര്ട്ടുകള്.