കൊച്ചി: സിനിമാ ചിത്രീകരണത്തിനിടെ പതിനേഴുകാരിയെ പീഡിപ്പിക്കാന് ശ്രമിച്ചെന്ന ഡബ്ല്യു.സി.സി അംഗം രേവതിയുടെ വെളിപ്പെടുത്തലില് കേസെടുക്കണമെന്ന് ആവശ്യപ്പെട്ട് പൊലീസില് പരാതി.
പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച പ്രതിയെ കണ്ടെത്തണമെന്നും വര്ഷങ്ങള്ക്ക് മുന്പുള്ള പീഡനവിവരം മറച്ചുവച്ചെന്ന കുറ്റത്തിന് നടി രേവതിക്കെതിരെ കേസെടുക്കണമെന്നും ആവശ്യപ്പെട്ട് അഭിഭാഷകനായ ജിയാസ് ജമാലാണ് എറണാകുളം സെന്ട്രല് പൊലീസില് പരാതി നല്കിയത്.
ഇന്നലെ ഡബ്ല്യു.സി.സി അംഗങ്ങള് കൊച്ചിയില് നടത്തിയ വാര്ത്താസമ്മേളനത്തിനിടെയാണ് രേവതി പീഡന വിവരം വെളിപ്പെടുത്തിയത്.