ആധാറിനായി ശേഖരിച്ച വിവരങ്ങള് സുരക്ഷിതമെന്ന് സുപ്രിംകോടതി. ആധാറിലെ വിവരശേഖരണം പിഴവില്ലാത്തതാണെന്നും പൗരന്മാര്ക്ക് ഒറ്റ തിരിച്ചറിയല് കാര്ഡ് നല്ലതാണെന്നും സുപ്രീംകോടതി ചൂണ്ടിക്കാട്ടി. ആധാറില് കൃത്രിമം അസാധ്യമാണെന്നും എന്നാല് സ്വകാര്യ കമ്പനികള്ക്ക് വിവരം കൈമാറരുതെന്നും സുപ്രിംകോടതി പറഞ്ഞു.
അഞ്ചംഗ ബെഞ്ചില് 3 ജഡ്ജിമാര്ക്കും ഒരേ അഭിപ്രായമാണ്. ആധാര് ഏറ്റവും കൂടുതല് ചര്ച്ച ചെയ്യപ്പെട്ട വിഷയമാണെന്ന് ജസ്റ്റിസ് എ.കെ.സിക്രി പറഞ്ഞു. ചുരുങ്ങിയ വിവരങ്ങള് മാത്രമാണ് ആധാറിന് വേണ്ടി ശേഖരിക്കുന്നത്. ആധാര് വിവരശേഖരണം പിഴവുകളില്ലാത്തതാണ്. ആധാര് അഴിമതിക്കുള്ള സാധ്യത ഇല്ലാതാക്കുന്നു. പാര്ശ്വവല്ക്കരിക്കപ്പെടുന്നവരെ ശാക്തീകരിക്കുമെന്നും ജസ്റ്റിസ് സിക്രി പറഞ്ഞു. പാവപ്പെട്ടവര്ക്ക് സര്ക്കാര് സേവനങ്ങള് ലഭിക്കാന് ആധാര് സഹായകമാണ്. പൗരന്മാരുടെ അവകാശങ്ങളുടെ മേല് പരിമിതമായ നിയന്ത്രണങ്ങളാകാം.
വിധി പ്രസ്താവത്തില് 40 പേജാണുള്ളത്. ആധാറിന്റെ ഭരണഘടനാസാധുത ചോദ്യം ചെയ്യുന്ന 27 ഹര്ജികളിലാണ് വിധി. 38 ദിവസം നീണ്ട വാദം കേള്ക്കലിന് ശേഷമാണ് വിധി പ്രഖ്യാപിക്കുന്നത്.