പ്രളയക്കെടുതിയില് പിടയുന്ന കേരളത്തിന് യു.എ.ഇ സര്ക്കാര് 700 കോടി രൂപ നല്കുമെന്ന് മുഖ്യമന്ത്രി പിണറായി വിജയന്. അവര് ഇക്കാര്യം പ്രധാനമന്ത്രിയെ അറിയിച്ചിട്ടുണ്ടെന്നും യു.എ.ഇ ഭരണാധികാരികളോടുള്ള കേരളത്തിന്റെ കൃതജ്ഞത അറിയിക്കുന്നതായും മുഖ്യമന്ത്രി പറഞ്ഞു. ലുലു ഗ്രൂപ്പ് ചെയര്മാന് എം.എ യൂസഫലി അബുദാബി കിരീടാവകാശി ശൈഖ് മുഹമ്മദ് ബിന് സയിദ് അല് നഹ്യാനെ കണ്ടപ്പോളാണ് അവര് ഇക്കാര്യം അറിയിച്ചതെന്നും മുഖ്യമന്ത്രി വ്യക്തമാക്കി.
പുതിയ കേരളം സൃഷ്ടിക്കുമെന്ന് മുഖ്യമന്ത്രി പറഞ്ഞു. ദുരിതാശ്വാസത്തിനും പുനരധിവാസത്തിനും ബൃഹത്തായ പദ്ധതി നടപ്പാക്കും. എല്ലാ വകുപ്പുകളോടും ആക്ഷന് പ്ലാന് തയാറാക്കാന് മുഖ്യമന്ത്രി നിര്ദേശിച്ചിട്ടുണ്ട്. ജിഎസ്ടിയില് 10% സെസ് ഏര്പ്പെടുത്തും. ഈ തുക ദുരിതാശ്വാസ പ്രവര്ത്തനങ്ങള്ക്കു വിനിയോഗിക്കും. പുനരധിവാസമെന്നാല് പ്രളയക്കെടുതിയില് തകര്ന്നത് അതേപടി പുനസ്ഥാപിക്കലല്ല ലക്ഷ്യമിടുന്നതെന്നും മുഖ്യമന്ത്രി പറഞ്ഞു.