ശക്തമായ മഴ തുടരുന്നതിനാല് മുല്ലപ്പെരിയാര് അണക്കെട്ടില് ജലനിരപ്പ് ഉയരുന്നു. നിലവില് 142.30 അടിയാണ് അണക്കെട്ടിലെ ജലനിരപ്പ്. അതേസമയം മുല്ലപ്പെരിയാറിലെ അടിയന്തര സാഹചര്യത്തില് സുപ്രീംകോടതി ഇടപെടണമെന്ന് ആവശ്യപ്പെട്ട് ഹര്ജി നല്കി. വെള്ളം തുറന്നുവിടാന് തമിഴ്നാടിന് നിര്ദേശം നല്കണമെന്നാവശ്യപ്പെട്ട് അഭിഭാഷകന് മനോജ് ജോര്ജാണ് ഹര്ജി നല്കിയത്. ചീഫ് ജസ്റ്റിസ് അധ്യക്ഷനായ ബെഞ്ചിന് മുന്പാകെ വിഷയം ഉന്നയിക്കാന് രഞ്ജന് ഗോഗോയ് അധ്യക്ഷനായ ബെഞ്ച് നിര്ദേശിച്ചു.
മുല്ലപ്പെരിയാര് അണക്കെട്ടില് നിന്ന് സെക്കന്ഡില് 26,000 ഘനയടി വെള്ളമാണ് പുറത്തേക്കു വിടുന്നത്. മുല്ലപ്പെരിയാറില്നിന്ന് കൂടുതല് ജലം പുറത്തേക്കു വിടുന്നതിനാല് ഇടുക്കിയിലെ ജലനിരപ്പും ഉയരുകയാണ്. സെക്കന്ഡില് 15,00,000 ലീറ്റര് വെള്ളമാണ് പുറത്തേക്കുവിടുന്നത്. 2401.2 അടിയാണ് നിലവില് ഇടുക്കി അണക്കെട്ടിലെ ജലനിരപ്പ്. 2403 അടിയാണ് പരമാവധി ശേഷി.