അടുത്ത രണ്ടുദിവസം സംസ്ഥാനത്ത് ശക്തമായ മഴയ്ക്കും കാറ്റിനും സാധ്യതയുണ്ടെന്ന് കാലാവസ്ഥാനിരീക്ഷണകേന്ദ്രം അറിയിച്ചു. ബംഗാള് തീരത്ത് രൂപംകൊണ്ട ന്യൂനമര്ദത്തിന്റെ സ്വാധീനത്തില് കാറ്റിന്റെ വേഗം മണിക്കൂറില് 60 കിലോമീറ്റര് വരെയാകാം. മത്സ്യത്തൊഴിലാളികള് കടലില് പോകരുതെന്ന് മുന്നറിയിപ്പുണ്ട്. മലയോര മേഖലയിലും കനത്ത മഴ തുടരും. ജലനിരപ്പ് ഉയരുന്ന സാഹചര്യത്തില് എല്ലാ അണക്കെട്ടുകളും തുറന്നിരിക്കുകയാണ്.
