തിരുവനന്തപുരം: കേരള, ലക്ഷദ്വീപ് തീരങ്ങളില് ശക്തമായ കാറ്റ് വീശാന് സാധ്യതയെന്ന് കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്. 24 മണിക്കൂര് നേരത്തേക്ക് മത്സ്യത്തൊഴിലാളികള് കടലില് പോകരുതെന്നും അധികൃതര് മുന്നറിയിപ്പ് നല്കി.
കേരള-ലക്ഷദ്വീപ് തീരങ്ങളില് പടിഞ്ഞാറ് ദിശയില് നിന്നും കാറ്റ് വീശാനാണ് സാധ്യത. മണിക്കൂറില് 35 മുതല് 45 കിലോ മീറ്റര് വേഗതയിലും ചില അവസരങ്ങളില് മണിക്കൂറില് 55 കിലോ മീറ്റര് വേഗതയിലും കാറ്റടിക്കുവാന് സാധ്യതയുണ്ടെന്നും കാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്കുന്നു.
അറബിക്കടലിന്റെ മധ്യ ഭാഗത്തും, തെക്ക് പടിഞ്ഞാറ് ഭാഗത്തും, വടക്ക് ഭാഗത്തും കടല് പ്രക്ഷുബ്ദമോ അതിപ്രക്ഷുബ്ദമോ ആകാന് സാധ്യതയുണ്ട്. മത്സ്യത്തൊഴിലാളികളും തീരദേശവാസികളും ജാഗ്രത പുലര്ത്തണമെന്നും കാലാവസ്ഥാ നിരീക്ഷണകേന്ദ്രം അറിയിച്ചു.