നിര്ഭയ കേസില് ശിക്ഷാവിധി പുനഃപരിശോധിക്കണമെന്നാവശ്യപ്പെട്ട് പ്രതികള് സമര്പ്പിച്ച ഹര്ജി സുപ്രീം കോടതി തള്ളി. നാലു പ്രതികള്ക്കും വധശിക്ഷ തന്നെ ലഭിക്കും. പ്രതികളായ മുകേഷ്, പവന്, വിനയ് ശര്മ എന്നിവരാണ് ശിക്ഷാവിധി പുനഃപരിശോധിക്കണമെന്നാവശ്യപ്പെട്ട് സുപ്രീം കോടതിയെ സമീപിച്ചത്. നാലാമനായ അക്ഷയ് കുമാര് സിങ് പുനഃപരിശോധനാ ഹര്ജി നല്കിയിരുന്നില്ല.
ചീഫ് ജസ്റ്റീസ് ദീപക് മിശ്ര, ജസ്റ്റിസുമാരായ ആര്. ഭാനുമതി, അശോക് ഭൂഷണ് എന്നിവരടങ്ങിയ ബെഞ്ചാണ് വിധി പ്രഖ്യാപിച്ചത്.