കൊച്ചി: എറണാകുളം ജില്ലയില്‍ നിന്നും ഇത്തവണ ഹജ് തീര്‍ത്ഥാടനത്തിന് പോകുന്ന ഹാജിമാര്‍ക്കുള്ള വാക്‌സിനേഷന്‍ എറണാകുളം ജനറല്‍ ആശുപത്രിയില്‍ സംഘടിപ്പിക്കും. ജൂലായ് 10, 12 എന്നീ തിയതികളിലാണ് വാക്‌സിനേഷന്‍ നടത്തുക.
സ്വകാര്യ ഏജന്‍സികള്‍ വഴി പോകുന്നവര്‍ക്ക് ജൂലായ് 10 ചൊവ്വാഴ്ച്ചയും, സര്‍ക്കാര്‍ ഹജ്ജ് കമ്മിറ്റി മുഖേന പോകുന്നവര്‍ക്ക് ജൂലായ് 12 വ്യാഴാഴ്ച്ചയുമാണ് വാക്‌സിനേഷന്‍. രാവിലെ 9 മണി മുതല്‍ ഉച്ചക്ക് 1 മണി വരെയാണ് വാക്‌സിനേഷന്‍ നടത്തുന്ന സമയം.
എറണാകുളം ജില്ലയില്‍ താമസിക്കുന്നവരാണെന്ന് തെളിയിക്കുന്നതിനാവശ്യമായ തിരിച്ചറിയല്‍ രേഖയും കൊണ്ടുവരണം. ജനറല്‍ ആശുപത്രിയില്‍ നിര്‍മ്മാണ പ്രവര്‍ത്തനങ്ങള്‍ നടക്കുന്നതിനാല്‍ വാഹനങ്ങള്‍ക്ക് പാര്‍ക്കിങ്ങ് സൗകര്യം ഉണ്ടായിരിക്കുന്നതല്ലെന്നും ബന്ധപ്പെട്ടവര്‍ അറിയിച്ചു.
