കേന്ദ്ര സംസ്ഥാന സര്ക്കാറുകളുടെ ജനദ്രോഹ നയങ്ങള്ക്കും അവശ്യവസ്തുക്കളുടെ വില വര്ധനക്കുമെതിരെ യുഡിഎഫ് നടത്തുന്ന രാപ്പകല് സമരം തുടങ്ങി. രാവിലെ 10 മുതല് നാളെ രാവിലെ 10 വരെ സെക്രട്ടേറിയേറ്റിന് മുന്നിലാണ് സമരം. കെപിസിസി പ്രസിഡന്റ് എം.എം ഹസ്സന് ഉദ്ഘാടനം ചെയ്യും.
മറ്റു ജില്ലകളില് കളക്ട്രേറ്റിന് മുന്നിലാണ് സമരം. യുഡിഎഫ് എംപിമാര്, എംഎല്എമാര്, ത്രിതല പഞ്ചായത്ത്, മുനിസിപ്പല്, കോര്പ്പറേഷന് ജനപ്രതിനിധികള് തുടങ്ങിയവര് സമരത്തില് പങ്കെടുക്കും. ജനതാദള് സംസ്ഥാന ജനറല് സെക്രട്ടറി ഷെയ്ക്ക് പി ഹാരിസ് സമാപന സമ്മേളനം ഉദ്ഘാടനം ചെയ്യുമെന്ന് നേതാക്കള് അറിയിച്ചു.
വേങ്ങര ഉപതെരഞ്ഞെടുപ്പ് കണക്കിലെടുത്ത് വോട്ടെണ്ണലിന് ശേഷം ഈ മാസം 19നാണ് മലപ്പുറത്ത് രാപ്പകല് സമരം നടത്തുക.