നടി ആക്രമിക്കപ്പെട്ട കേസില് നടന് ദിലീപിന് ഹൈക്കോടതി ജാമ്യം അനുവദിച്ചു. കര്ശന ഉപാധികളോടെയാണ് ജാമ്യം അനുവദിച്ചത്. പാസ്പോര്ട്ട് ഏഴ് ദിവസത്തിനകം അങ്കമാലി മജിസ്ട്രേറ്റ് കോടതിയില് സമര്പ്പിക്കണം, ഒരു ലക്ഷം രൂപയുടെ രണ്ട് ആള് ജാമ്യം വേണം, സാക്ഷികളെ സ്വാധീനിക്കാന് ശ്രമിക്കരുത്, തെളിവുകള് നശിപ്പിക്കരുത്, അന്വേഷണ സംഘം ആവശ്യപ്പെടുമ്പോള് ഹാജരാകണം തുടങ്ങിയ ഉപാധികളോടെയാണ് ജാമ്യം അനുവദിച്ചത്.
85 ദിവസത്തിന് ശേഷമാണ് ദിലീപ് പുറത്തിറങ്ങുന്നത്. ജസ്റ്റിസ് സുനില് തോമസാണ് വിധി പറഞ്ഞത്. അന്വേഷണത്തില് കാര്യമായ പുരോഗതി ഉണ്ടെന്ന് കോടതി നിരീക്ഷിച്ചു. അന്വേഷണം അവസാന ഘട്ടത്തിലാണെന്ന വാദം കോടതി അംഗീകരിച്ചു.