ഈ വർഷത്തെ സെലിബ്രിറ്റി പെട്രോഹെഡ്(Petrolhead Actor) പുരസ്കാരത്തിന് ദുൽഖർ അർഹനായിരുന്നു. ഇതിന് പിന്നാലെയാണ് ഇപ്പോൾ ടോപ് ഗിയര് ഇന്ത്യ കവർ ചിത്രമാകുന്നത്.
സ്വപ്ന സാക്ഷാത്കാരം എന്നാണ് കവര് ചിത്രത്തെ കുറിച്ച് ദുല്ഖര് കുറിച്ചത്. “ഒരു വലിയ സ്വപ്നം ഞാന് സാക്ഷാത്കരിച്ചു. ടോപ് ഗിയര് ഇന്ത്യയുടചെ മൂന്നാം വാര്ഷിക ലക്കത്തിന്റെ കവറിൽ എന്നെ ഫീച്ചര് ചെയ്തു”, എന്നാണ് മാഗസീന് നന്ദി പറഞ്ഞ് ദുല്ഖര് കുറിച്ചത്.
“ഛുപ്: റിവഞ്ച് ഓഫ് ദി ആർട്ടിസ്റ്റ്’ എന്ന ഹിന്ദി ചിത്രത്തിലെ അഭിനയത്തിനാണ് ടോപ് ഗിയർ ഇന്ത്യയുടെ പെട്രോഹെഡ് പുരസ്കാരത്തിന് ദുൽഖർ അർഹനായത്. ഇതേ സിനിമയ്ക്ക് മികച്ച നെഗറ്റീവ് റോളിനുള്ള ദാദാസാഹിബ് ഫാൽക്കെ ഇന്റർനാഷണൽ ഫിലിം ഫെസ്റ്റിവൽ അവാർഡും ദുൽഖർ നേടിയിരുന്നു.