തന്റെ നഗ്ന വിഡിയോ റെക്കോര്ഡ് ചെയ്ത് ഭർത്താവ്ആദിൽ ഖാൻ ദുരാനി വിറ്റെന്ന് നടി രാഖി സാവന്ത്. ഇതിൽ സൈബർ ക്രൈം ഡിപ്പാർട്ട്മെന്റ് കേസെടുത്തിട്ടുണ്ടെന്ന് നടി പറഞ്ഞു. തനിക്കെതിരെ നീങ്ങിയാൽ ട്രക്ക് കയറ്റി കൊന്നു കളയുമെന്ന് ആദിൽ ഭീഷണിപ്പെടുത്തിയതായും രാഖി സാവന്ത് ആരോപിച്ചു.
തന്നെ വഞ്ചിച്ച് തന്റെ ജീവിതവും പണവും അയാൾ അപഹരിച്ചു, നീതി തേടിയാണ് കോടതിയിൽ എത്തിയതെന്നും അയാൾക്ക് ഒരിക്കലും കോടതി ജാമ്യം നൽകരുതെന്നും രാഖി പറഞ്ഞു. ഒഷിവാര പൊലീസ് സ്റ്റേഷനിൽ എല്ലാ തെളിവുകളും നൽകിയിട്ടുണ്ട്. സ്ത്രീധനത്തിന്റെ പേരിൽ ഉപദ്രവിച്ചെന്നും തന്റെ പണവും ആഭരണങ്ങളും മോഷ്ടിച്ചെന്നും പ്രകൃതിവിരുദ്ധ ലൈംഗിക ബന്ധത്തിന് ഇരയാക്കി എന്നും ചൂണ്ടികാണിച്ച് രാഖി സാവന്ത് നൽകിയ പരാതിയിൽ ഫെബ്രുവരി ഏഴിനാണ് ആദിലിനെ പൊലീസ് അറസ്റ്റ് ചെയ്യുന്നത്.
41കാരിയായ രാഖി സാവന്ത് കഴിഞ്ഞ വർഷമാണ് 30കാരനായ ആദിലിനെ വിവാഹം ചെയ്തത്. തന്റെ അമ്മയുടെ മരണത്തിന് കാരണക്കാരൻ ഭർത്താവാണെന്നും നടി ആരോപിച്ചിരുന്നു. എന്നാൽ കേസ് പരിഗണിക്കുന്നത് കോടതി തിങ്കളാഴ്ചത്തേക്ക് മാറ്റി. പ്രതിഭാഗത്തിന് വേണ്ടി അഭിഭാഷകൻ ഹാജരാകാതിരുന്നതിനെ തുടർന്നാണ് കോടതി കേസ് മാറ്റി വെച്ചത്.