ദൃശ്യം 2 മോശം സിനിമയാണെന്ന് നടനും നിരൂപകനുമായ കെ.ആര്.കെ. സോണി ടെലിവിഷനിലെ സിഐഡി എന്ന സീരിയല് ഈ സിനിമയേക്കാള് ഭേദമാണെന്ന് അദ്ദേഹം ട്വീറ്റ് ചെയ്തു.കേവലം ഒരു സ്റ്റാര് മാത്രമേ ഈ ചിത്രത്തിന് നല്കാനാകൂ എന്നും കെആര്കെ ട്വീറ്റ് ചെയ്തു. സിനിമ റിവ്യു ചെയ്യുന്നതിനായി ദൃശ്യം 2 മലയാളം പ്രൈമില് കണ്ട ശേഷം പ്രതികരിക്കുകയായിരുന്നു കെആര്കെ.
‘ദൃശ്യം 2 ഹിന്ദിയും മലയാളത്തിന്റെ ഫ്രെയിം ടു ഫ്രെയിം കോപ്പിയാകും. എത്ര ഇഴഞ്ഞാണ് ഈ സിനിമ പോകുന്നത്. വളരെ മോശം. പുതിയ ഇന്സ്പെക്ടര് എത്തുന്നതുവരെയുള്ള രംഗങ്ങള് സഹിക്കാന് കഴിയില്ല. പതുക്കെ തുടങ്ങി അരമണിക്കൂറിനുള്ളില് എന്തൊക്കെയോ സംഭവിക്കുന്നു. ആദ്യ ഒന്നര മണിക്കൂറില് ഈ ചിത്രത്തില് ഒന്നും തന്നെയില്ല. സിനിമയുടെ അവസാന 30 മിനിറ്റ് ആളുകള്ക്ക് ഇഷ്ടപ്പെട്ടേക്കാം. ഹീറോയുടെ കുടുംബത്തെ പൊലീസ് ഉപദ്രവിക്കുന്നത് ഒരു കാരണമാകാം. എന്നാല് എല്ലാ പൊലീസ് ഓഫിസര്മാരും ഇങ്ങനെ ചെയ്യില്ല. അതുകൊണ്ട് തന്നെ പൊതുസമൂഹത്തിനു പൊലീസിലുള്ള ആത്മവിശ്വാസം നഷ്ടപ്പെടുന്ന തരത്തിലുള്ള ഇത്തരം രംഗങ്ങള് ഫിലിം മേക്കേഴ്സ് ഒഴിവാക്കണം’, കെ.ആര്.കെ ട്വീറ്റ് ചെയ്തു.
This Malayalam #Drishyam2 is such a horrible film. It’s full time pain in the ass. Sony’s #CID serial is 100 times better than this. I give only 1* to this crap.
— KRK (@kamaalrkhan) November 16, 2022
Now let me see #Drishyam2 (Hindi) tomorrow.
അതേസമയം, അജയ് ദേവ്ഗണ് നായകനാകുന്ന ‘ദൃശ്യം 2’ റിലീസ് തയ്യാറായിരിക്കുകയാണ്. നവംബര് 18ന് ചിത്രം തിയറ്ററുകളില് എത്തും. ‘ദൃശ്യം’ ആദ്യ ഭാഗത്തിന്റെ റീമേക്കും ഹിന്ദിയില് വന് ഹിറ്റായിരുന്നതിനാല് ‘ദൃശ്യം 2’ല് വലിയ പ്രതീക്ഷകളാണ് ബോളിവുഡിന്. ‘വിജയ് സാല്ഗോന്കറാ’യിട്ടാണ് ചിത്രത്തില് അജയ് ദേവ്ഗണ് അഭിനയിക്കുന്നത്. ‘ദൃശ്യം 2’വില് നായികയായി ശ്രിയ ശരണും മറ്റ് പ്രധാന കഥാപാത്രങ്ങളായി തബു, ഇഷിത ദത്ത, മൃണാള് യാദവ്, രജത് കപൂര്, അക്ഷയ് ഖന്ന തുടങ്ങിയവരും എത്തുന്നു.