ധരംശാല: ശ്രീലങ്കയ്ക്കെതിരായ ട്വന്റി 20 പരമ്പരയും ഇന്ത്യയ്ക്ക് സ്വന്തം. രണ്ടാം മത്സരത്തില് ലങ്കയെ ഏഴ് വിക്കറ്റിന് തകര്ത്താണ് ഇന്ത്യ മൂന്ന് മത്സരങ്ങളടങ്ങിയ പരമ്പര സ്വന്തമാക്കിയത്. ലങ്ക ഉയര്ത്തിയ 184 റണ്സ് വിജയലക്ഷ്യം പിന്തുടര്ന്ന ഇന്ത്യ 17.1 ഓവറില് മൂന്ന് വിക്കറ്റ് മാത്രം നഷ്ടപ്പെടുത്തി ലക്ഷ്യം കണ്ടു.
അര്ധ സെഞ്ചുറിയുമായി തിളങ്ങിയ ശ്രേയസ് അയ്യര്, രവീന്ദ്ര ജഡേജ, സഞ്ജു സാംസണ് എന്നിവരുടെ ഇന്നിങ്സുകളാണ് ഇന്ത്യയ്ക്ക് ജയമൊരുക്കിയത്. പരമ്പരയില് തുടര്ച്ചയായ രണ്ടാം അര്ധ സെഞ്ചുറി നേടിയ ശ്രേയസ് 44 പന്തില് നിന്ന് നാല് സിക്സും ആറ് ഫോറുമടക്കം 74 റണ്സോടെ പുറത്താകാതെ നിന്നു. ജഡേജ വെറും 18 പന്തില് നിന്ന് ഒരു സിക്സും ഏഴ് ഫോറുമടക്കം 45 റണ്സെടുത്തു.