തൃശ്ശൂര്: കോളേജ് വിദ്യാര്ത്ഥിനിയെ കിണറ്റില് മരിച്ച നിലയില് കണ്ടെത്തി.ഇരിങ്ങാലക്കുട കാറളം കിഴുത്താണി സ്വദേശിനിയായ സാന്ത്വന (19) ആണ് മരിച്ചത്. ജ്യോതി പ്രകാശ്, രജിത ദമ്പതികളുടെ മകളാണ്. കൊടുങ്ങല്ലൂര് കെകെടിഎം കോളേജിലെ രണ്ടാം വര്ഷ ബിരുദ വിദ്യാര്ത്ഥിനിയാണ് സാന്ത്വന.
വാർത്തകൾ ഉടനടി നിങ്ങളുടെ മൊബൈലിൽ ലഭിക്കാൻ ക്ലിക്ക് ചെയ്യുക:
https://chat.whatsapp.com/GuudxtLhAiIG4uoIVbclOR
വ്യാഴാഴ്ച രാവിലെ 11.30 ഓടെയായിരുന്നു സംഭവം. ഇരിങ്ങാലക്കുടയില് നിന്നും അഗ്നിരക്ഷാസേന സ്ഥലത്തെത്തിയാണ് മൃതദേഹം പുറത്തെടുത്ത് ജനറല് ആശുപത്രിയിലേക്ക് മാറ്റിയത്. കാട്ടൂര് പൊലീസ് മേല് നടപടി സ്വീകരിച്ചു. സഹോദരി: മാളവിക.
അച്ഛനും അമ്മയും ജോലിക്ക് പോയ സമയത്തായിരുന്നു സംഭവം. സമീപവാസികളാണ് വിവരം പൊലീസിനെ അറിയിച്ചത്. ഇന്ക്വസ്റ്റ് നടപടികള് പൂര്ത്തിയാക്കി പോസ്റ്റ് മോര്ട്ടത്തിനായി മൃതദേഹം തൃശ്ശൂര് മെഡിക്കല് കോളേജിലേക്ക് മാറ്റി. കേസില് അന്വേഷണം പുരോഗമിക്കുകയാണെന്ന് കാട്ടൂര് എസ്ഐ പറഞ്ഞു.