കോട്ടയം: സ്കൂട്ടറില്‍ യാത്രക്കാരിയുടെ മാല ബൈക്കിലെത്തി കവര്‍ന്നു.ഇന്നലെ രാവിലെ 10നു കോട്ടയം ടൗണില്‍ എംസി റോഡില്‍ ഭീമാ ജ്വല്ലറിക്കു മുന്നിലൂടെ പോകവെയ്പ് ബൈക്കിലെത്തിയ സംഘം മാല പൊട്ടിച്ചത്.
തിരുനക്കരയില്‍ പ്രവര്‍ത്തിക്കുന്ന അക്കൗണ്ടിംഗ് സ്ഥാപനത്തിലെ ജോലിക്കാരിയായ മറിയപ്പള്ളി ചേന്നാട്ട് ശ്രീക്കുട്ടിയുടെ മാലയാണ് പൊട്ടിച്ചത്. രണ്ടേകാല്‍ പവന്‍ തൂക്കമുണ്ട്.
ട്രാഫിക് ബ്ലോഗിനെ തുടര്‍ന്ന് ശ്രീക്കുട്ടി വേഗം കുറച്ചു വരുകയായിരുന്നു. ഈ സമയം പിന്നിലൂടെ ബൈക്കിലെത്തിയ രണ്ടംഗസംഘം ശ്രീക്കുട്ടിയുടെ കഴുത്തില്‍നിന്നും മാല പൊട്ടിച്ചു.
പോലീസെത്തി ദൃശ്യങ്ങള്‍ പരിശോധിച്ചതില്‍ നിന്നും മെഡിക്കല്‍ കോളജ് ഭാഗത്തേക്കു ബൈക്ക് പോയതായി സൂചന ലഭിച്ചു. പോലീസ് അന്വേഷണം ഊര്‍ജിതമായി തുടരുന്നു.
